ЮРТĂ лашапа чупас енĕпе Юхмапа Пăла тăрăхĕн чысне час-часах хỹтĕлекен Валерийпе Алексей Красновсемшĕн Хусанти ипподром ют мар. Кăçал çеç вĕсем унтан темиçе хутчен те ăмăртăва хутшăнса начар мар кăтартупа таврăнчĕç.

 Акă, çак кунсенче çеç спортсменсем каллех Тутарстанăн тĕп хулинче йĕркеленĕ ăмăртура хăйсен урхамахĕсемпе чупнă. Вĕсем иккĕшĕ те 2400 метра пиллĕкмĕш ушкăнпа старт илнĕ. Валерий Егорович тытса пыракан "Прайн тайм син" финиша иккĕмĕш кĕнĕ, Алексей Егоровичăн "Победитель" урхамахĕ тăваттăмĕш тухнă.

Авангард