Ял уявĕсем пуçланчĕç

 Çурхи ака-суха ĕçне вĕçленĕ хыççăн çĕр ĕçченĕсем ял-йышпа пĕрле Акатуй-Сабантуйра савăнасси ырă йăлара. Шел пулин те иртнĕ çул коронавирус пандемине пула районта чылай культура мероприятийĕ иртеймерĕ. Вăл шутра - ял уявĕсем те.

Иртнĕ шăматкун, июнĕн 5-мĕшĕнче, Юхмапа Пăла тăрăхĕнчи Ыхра Çырми, Ишлĕ, Первомайски ял тăрăхĕсенче пурăнакансем кĕрекене пуçтарăнчĕç. Кашнинчех çĕр ĕçченне халалланă культура программи ака-суха ĕçне пĕтĕмлетнинчен, экономикăн тĕрлĕ отраслĕнче тăрăшса ĕçлекенсене, общество пурнăçĕнче хастарлăх кăтартакансене чысланинчен, саламланинчен пуçланнă.

Ял уявĕсене культура ĕçченĕсем, юрра-ташша ăста уйрăм хастарсем, чăваш эстрада артисчĕсем, спорт каçалăкĕнчи тĕрлĕрен тупăшу тата ытларах пуянлатнă. Уявсенче ватти-вĕтти киленичченех савăннă.

Çак ялсенче пурăнакансене тата уява пуçтарăннă хăнасене район администрацийĕн пуçлăхĕ Рудольф Селиванов, Чăваш Республикин Патшалăх Канашĕн депутачĕ Олег Мешков, тулли мар яваплă "Чăвашгосснаб" пĕрлешỹ директорĕ Валерий Антонов, ял тăрăхĕсен пуçлăхĕсем, депутатсем, организаци-учреждени ертỹçисем саламланă, пурне те савăк кăмăл, ырă малашлăх, ăнăçу суннă.

 (Хамăр корр.)

Авангард



10 июня 2021
09:55
Хроника информаций
Поделиться