Педагог-ветеран - Алманчă ялĕн хисеплĕ гражданинĕ

ÇАК кунсенче Алманчăра граждансен пухăвĕ иртнĕ. Унта ял тăрăхĕн пуçлăхĕн иртнĕ çулхи ĕçне пĕтĕмлетекен отчета, малашне пĕрлехи вăйпа пурнăçламалли тĕллевсене пăхса тухнипе пĕрлех ытти ыйтăва те сỹтсе явнă. Вĕсенчен пĕри - "Алманчă ялĕн хисеплĕ гражданинĕ" ята тивĕçлĕ çынна суйласси.

Сăмах май каласан, ку таранччен çак ялта хисепе çичĕ хастар тивĕçнĕ. Хальхинче вара ял-йыш çак сумлă йышра пулма хисеплĕ педагог-ветераншăн - Раиса Ильинична Васильевашăн - сасăланă. Биологи учителĕ ачасене тивĕçлĕ воспитани парас, мăшăрĕпе - Василий Ивановичпа - (йывăр тăпри çăмăл пултăр, вăл та Алманчă ялĕн хисеплĕ гражданинĕ) ял музейне уçас, краеведени кĕтесĕ валли паха экспонатсем пуçтарас, ял историне тĕпчес ĕçе пысăк тỹпе хывнă.

Авангард



02 февраля 2021
10:40
Поделиться