Христос тĕнне ĕненекенсем çĕртме уйăхĕн 16-мĕшĕнче Çветтуй Троица кунне паллă тăваççĕ.

Унччен ял-йыш масара тирпейлерĕ. Сăмахран, Элĕк районĕнчи Йăранар çăвине тасатнă. Патăрьел районĕнчи Шăхач масарĕнче хурал пỹрчĕ тунă, унтан хăрăк-харăка, типĕ курăка илсе тухнă. Троица умĕн ăна Турхан чиркĕвĕн настоятелĕ Петр атте сăвапланă. Кĕçĕн Патăрьелте тата Кивĕ Катекре часавай уçнăĕ.Патăрьел районĕнче чиркỹпе часавай 14-шар, мечĕт 19.

Кĕçĕн Патăрьелте кĕлĕ ирттерме Тăрăн ял тăрăхĕн администрацийĕн пуçлăхĕ Константин Михее, «Исток» АФ ертỹçи Александр Илюткин, ял-йыш хутшăннă. Масара тирпейленĕ, унăн çулне йĕркене кĕртнĕ, шыв пăрăхне улăштарнă.

Вăрнар районĕнчи Мулакасси Мăрат тата Çĕнĕ Кипек çыннисем те масара тасатнă, ун тавра çĕнĕ карта тытнă.

Хыпар