КĔРКУННЕХИ призыв кампанийĕ пуçланни пĕр уйăх иртрĕ. Коронавирус пандемийĕпе çыхăннă лару-тăрăва пăхмасăр çамрăксем кăмăлтан Тăван çĕршыва хỹтĕлеме каяççĕ. Районти çар комиссариатĕнчен пĕлтернĕ тăрăх, чиртен асăрханас тĕллевпе мĕн пур санитарипе гигиена йĕркисене пăхăнаççĕ: здание кĕрсенех ỹт температурине виçеççĕ, алăсене антисептикпа саптараççĕ, призывниксене пĕр хутчен усă курмалли маска параççĕ. Пỹлĕмсене те вăхăтран-вăхăта дезинфекцилесех тăраççĕ.

Авангард