Чăваш автономи облаçне туса хунăранпа 100 çул çитнĕ май Раççей шайĕнче «Чăваш Ен сăнĕсем-2020» фестиваль иртрĕ. Ăна Раççей Федерацийĕн Федераци Пухăвĕн Патшалăх Думин депутачĕ, «Единая Россия» партин регионти уйрăмĕн секретарĕ Алена Аршинова пуçарнипе 2016 çултанпа йĕркелеççĕ. Кăçалхине 9422 çын явăçрĕ. Вăл 7 номинаципе иртрĕ. Фестивале культурăра, наукăра тата вĕрентỹ сферисенче палăрса ят-сум çĕнсе илнĕ ентешсен пултарулăхĕпе çыхăнтарса йĕркеленĕ.

 А. А. Кокель ячĕллĕ ỹнер ăсталăхĕн конкурсне чи нумай - 4121 ĕç тăратнă. Унта Патăрьелĕнчи ачасен ăсталăх шкулĕн ỹнер уйрăмĕнче вĕренекен З. Махмутова та хутшăннăччĕ. Зарина III степеньлĕ дипломант пулчĕ. Хĕре çитĕнỹсем тума Р. Чуварова ертỹçĕ хăнăхтарать.

А. ИВАНОВА

Авангард