ХЫÇА юлнă çуллахи пĕрремĕш уйăх район администрацийĕн ЗАГС пайĕшĕн ырă хыпарпа вĕçленнĕ. Июнĕн 30-мĕшĕнче Мăшăрлану керменĕнче Юхмапа Пăла тăрăхĕнче çут тĕнчене килнĕ 150-мĕш пепкене регистрациленĕ. Телейлĕ çемье- Шăнкăртамран. Ильназпа Лейсен Бикчуринсене пысăк савăнăç ячĕпе Наталия Антонова тĕп специалист-эксперт ăшшăн саламланă, район администрацийĕн пуçлăхĕн Рудольф Селивановăн салам çырăвне çитернĕ май, мăшăра ачасене сывă та тĕреклĕ ỹстерме, тивĕçлĕ воспитани пама ырă суннă. Кăçалхи çур çулта Шăнкăртамра çак сăлтавпа 28 çамрăк мăшăра саламланă.

Авангард