ИРТНĔ шăматкун Ульяновск хулинче урхамахсем хушшинче Раççей кубокне çĕнсе илессишĕн пыракан ăмăртăвăн иккĕмĕш этапĕ иртнĕ. Унта пирĕн районтан лаша спортне кăмăллакан пилĕк хастар хутшăннă. Алексей Краснов тытса пыракан Победитель вара 2 минут та 4 çеккунт вăхăт кăтартса иккĕмĕш кĕнĕ. Çак кунхинех Мускаври ипподромра "Дерби" ăмăртăвĕ иртнĕ. Унта та пирĕн ентеш Валерий Краснов (Çĕнĕ Шупашкарта пурăнать) çĕнтерỹçĕсен йышĕнче. Вăл вара урхамахĕпе çаврăма 1 минут та 57 çеккунтра чупса тухса республика рекордне çĕнетнĕ.

Авангард