Республикăра, çавăн пекех районта та август уйăхĕнче "Трактор" профилактика мероприятийĕ иртрĕ. Çак тапхăрта районти, Шăмăршăри, Комсомольскинчи тата Елчĕкри патшалăх техника надзорĕн инспекторĕсем И. Васильев, В. Матвеев, С. Кокарев, В. Мекшеев çул-йĕр инспекторĕсемпе пĕрле 21 рейд ирттерчĕç, 200-е яхăн транспорта - тракторсемпе кăкарса çỹремелли прицепсене, комбайнсене, хăй тĕллĕн çỹрекен ытти техникăна, çавăн пекех мотоблоксене-тĕрĕслерĕç.

Юсавлă транспортпа çула тухма шанчăклă. Комисси членĕсем "хурçă утсем" техника тĕрĕслевĕ тухнине, регистациленнине, çут çанталăкшăн тата пурнăçшăн хăрушлăх кăларманнине, техника хăрушсăрлăхне, çул-йĕр правилисене пăхăннине тата ыттине те пăхрĕç.

Шел пулин те, тĕрĕслевре çитменлĕхсем пулчĕçех. "Трактор" профилактика мероприятийĕ вăхăтĕнче 64 протокол - вăл шутран улттăшĕ должноçри çынсене - çырнă, икĕ ял хуçалăх предприятийĕн ертỹçине асăрхаттару панă.

Пĕлме: районти агропромышленность комплексĕнче - 464, уйрăм çынсенче - 1102, ытти организацисенче 32 трактора шута илнĕ.

О. ПАВЛОВА