Районти культурăпа кану учрежденийĕсем çĕнĕ сезона еплерех хатĕрленнине тĕрĕслес шутпа ятарлă комисси - район администрацийĕн социаллă аталану, туризм тата вырăнти хăй тытăмлăх органĕсемпе хутшăну йĕркелекен пай начальникĕ А. Куданова, райадминистрацин ятарлă программăсен пай начальникĕ Г. Каллин, Патăрьелĕнчи централизациленĕ клуб системин директорĕ А. Петрова - Ишлĕ, Пăлапуç Пашьел, Первомайски, Пикшик, Шăнкăртам, Аслă Чемен, Турхан, Шăхач, Çĕньял, Нăрваш Шăхаль, Туçа, Çĕнĕ Ах- пỹрт ял тăрăхĕсенче пулнă. Вĕсем клубсенче санитари йĕркисене еплерех пăхăннине, пурлăхпа техника базине, документсене, электросетьсене, пушара хирĕç кĕрешмелли хатĕрсемпе сигнализацине пăхнă. Çитес вăхăтра ыттисем патне те çитеççĕ.

А. ИВАНОВА