Шупашкарти Трактор тăвакансен культура керменĕнче республикăри хор коллективĕсен регион шайĕнчи смотр-конкурсĕ иртрĕ. Ăна Раççейри хор обществи Раççей Федерацийĕн культура министерствипе пĕрле йĕркеленĕ.

Конкурса Раççей Федерацийĕпе Чăваш Республика культурисен тава тивĕçлĕ ĕçченĕ А. Шакин (аккомпаниаторĕ - Чăваш Республика культурин тава тивĕçлĕ ĕçченĕ П. Никитин, балетмейстерĕ - А. Михайлова) ертсе пыракан районти юрăпа ташă халăх ансамблĕ те хутшăнчĕ. Куракансемпе тỹресем вĕсен пултарулăхне пысăка хурса хакларĕç.

Пурĕ 22 хор коллективĕ хутшăнчĕ. Патăрьелсем вара виççĕмĕш степеньлĕ диплома тивĕçрĕç.

(Хамăр корр.)