Салари тĕп клубри халăх театрĕ Пÿртлĕсене «Тинех эсĕ капкăнра» спектакль /режиссерĕ Луиза Леонтьева, художникĕ Анастасия Якушкина/ кăтартнă. Çĕнĕ постановкăри ĕç-пуç ялта тата хулара пулса иртет. Тĕп герой — авланнă тата нумай ачаллă Ваня — хулана ĕçлеме тухса кайсан чипер хĕрарăмсене юратма тытăнать. Анчах арăмĕпе амăшĕ Ваньăна тăван яла, тăван хуçалăхне тавăраççĕ. Спектакль кăсăклă курăнупа, юрă-ташăпа пуян.