Кивĕ Ахпỹртри культура çуртънче эстрада юррисен «Манăн çамрăклăхри юрăсем» конкурс-фестивалъ иртнĕ. Ăна Çурçĕр Кавказра Тăван çĕршыв умĕнчи тивĕçе пурнăçласа пуç хунă Александр Куданова асăнса йĕркеленĕ. Юрий Куданов Кивĕ Ахпỹрт ялĕнче çуралса ỹснĕ. Шкул пĕтерсен Хусанти культура институтĕнче пĕлĕвне тарăнлатнă, Вăрнар районĕнче культура сферинчи тĕрлĕ должноçра вăй хунă. Музыкант, баянист, ташăç пулнă. Юлашки çулсенче Шупашкарти шалти ĕçсен пайĕнче ĕçленĕ. Юрий Александрович хĕрỹ вырăна командировкăна кайсан пуç хунă. Кивĕ Ахпỹртсем ентешне асра тытаççĕ. Фестиваль кăçал пиллĕкмĕш хут иртнĕ. Маларах ку мероприятие район шайĕнче кăна йĕркеленĕ, хальхинче вара Шăмăршă тата Вăрнар районĕсенчи артистсем те хутшăннă. Конкурс икĕ номинаципе - «Юрлама юратакансем» тата «Профессионалсем» - иртнĕ. Пĕрремĕш номинацире Вăтаелти Юлия Изосимова çĕнтернĕ, «Профессионалсен» йышĕнче Именкассинчи Лидия Корнилова мала тухнă.