Пуш уйăхĕнче Чăваш наци телекуравĕ спутник урлă кăтартма пуçларĕ. Специалистсем çирĕплетнĕ тăрăх, çĕнĕ мелпе 8 миллион абонент усă курать. Вăл шутра пирĕн район çыннисем те çĕнĕ кăларăмшăн питĕ хавас. Аса илтеретпĕр: наци телекуравне "Триколор _ТВ" спутник антеннин 823-мĕш пускăчĕ çинче пăхма пулать. 36-мĕш пускăч çинче вара Наци радиовĕ ĕçлет.

Хаклав

Елена ГРИГОРЬЕВА, Пăлакасси ялĕ:

_ Ытти нумай каналсемпе юнашарах наци телекуравĕн кăларăмĕсем янăраса кайнишĕн эпир питĕ савăнтăмăр. Пирĕн çемьене тахçан кĕтнĕ хăна хапăл тунă пекех туйăнчĕ. Республика хыпарĕсене, чăваш эстрада çăлтăрĕсем тăван атте-анне чĕлхипе шăрантаракан юрăсене, паллă çынсемпе йĕркелекен ытти передачăсене кăмăлтан пăхатпăр.

Сăмах май çакна та каласа хăварасшăн. Ялти ватă çынсем "Авангард" хаçатри телепрограммăра Наци телекуравĕн программине кĕртме сĕнеççĕ.