РАÇÇЕЙРЕ октябрĕн иккĕмĕш вырсарникунĕнче Ял хуçалăх ĕçченĕсен уявне палăртасси йăлана кĕнĕ ĕнтĕ. Районта ăна кăшт каярах, хирти ĕçсене вĕçленĕ хыççăн, ирттереççĕ. Çăкăр туса илекенсене, выльăх- чĕрлĕх пăхакансене хисеплесе тата вĕсен ят-сумне, чыс-хисепне ỹстерес, çамрăксене професси суйласа илме пулăшас тĕллевпе Патăрьелĕнчи "Çăкăр" музейĕ октябрĕн 15-мĕшĕнче "Чыс та мухтав Сире, ĕç çыннисем!" ятпа курав йĕркелет. Унти экспонатсемпе кашни çын килсе паллашма пултарать.