ПИРТЕН вăхăтсăр уйрăлнă тăванăмăрсем ĕмĕрлĕх канлĕх тупнă масар çийĕ чиркỹ пекех сăваплă та, таса та пулмалла. Анчах темшĕн тепĕр чухне пирĕн ял масарне кайса тирпей-илем кĕртме, унти хытхурана тасатма е вилтăприсем çине çеçкесем лартса чĕрĕлĕх кĕртме вăхăчĕ те, мехелĕ те çитмест. Акă, кăçал православи тĕнне ĕненекенсем çу уйăхĕн юлашки кунĕнче Святой Троица кунне паллă тăваççĕ. Ун умĕнхи шăматкун вара вилнисен канлĕхĕшĕн вĕсен вилтăприйĕсем умĕнче пуç тайса асăнмалли кун. Шутлă вăхăчĕ çĕмрен пек хăвăрт шăвать. Çавăнпа та кашни ялтах вĕсене сăн, хитрелĕх кĕртес тĕлĕшпе субботниксем йĕркелемелле, унти çỹп-çапа илсе тухмалла.