Иртнĕ шăмат кун, Раççейри федераллă миграци службин управленийĕн районсем хушшинчи Патăрьел уйрăмĕнче вун тăватă çул тултарнă яшсене Раççей гражданинĕ пулнине ĕнентерекен документа _ паспорта _ илнĕ ятпа савăнăçлă уяв йĕркеленĕ. Вĕсем хушшинче Патăрьелĕнчи пĕрремĕш вăтам шкулти 8 а класра вĕренекен Максим Мазяковпа Кирилл Яковлев та пур. Алла пĕрремĕш хут паспорт тытнă çамрăксене миграци службин ертỹçи, шалти ĕçсен службин подполковникĕ Г. Сугутский саламланă.