ÇАК кунсенче Патăрье-лĕнчи пĕрремĕш вăтам шкулпа "Чувашская энергосбытовая компания" акционерсен уçă обществин Патăрьелĕнчи уйрăмĕн офисĕ хушшинче пуçласа футболистсен шавлă сасси илтĕнсе кайрĕ. Тăватă çул каялла çуралнă шухăша энергетиксем пурнăçа кĕртрĕç: кỹршĕ çуртра вĕренекен шкул ачисене ыркăмăллăхпа пĕчĕк футбол уйĕ (80х50 м) хатĕрлесе пысăк парне турĕç. Офис директорĕ Д. Гаврилов каланă тăрăх, ун йĕри-таврашне йывăç-тĕм лартса ỹстересси, ăна капăрлатса пăхса тăрасси вара пĕрлехи ĕç.