ЮЛАШКИ вăхăтра аптекăсенче спирт тытăмлă тĕрлĕрен шĕвексене сутни пирки чылай çыраççĕ, калаçаççĕ. Вĕсене ытларах ĕçкĕçсем е ун еннелле туртăнма пăхакансем туянаççĕ. Малашне вара эрех серепине çакланнисем 100 мл кĕрекен "фунфуриксене" сывлăх сыхлавĕн учрежденийĕсенче туянаймĕç _ сутма чарнă. Кун пирки правительство хăйĕн шухăшĕсене вырăнти хăй тытăмлăх органĕсене çитерме ыйтнă. Апла пулсан малашне ĕçкĕçсем вак укçисене шутласа аптекăсем еннелле утмĕç.