Республикăри Министрсен Кабинечĕн постановленийĕпе килĕшỹллĕн чи илемлĕ те хăтлă яла палăртас тĕллевпе çулленех пилĕк енпе конкурс ирттереççĕ. Сентябрĕн 6-мĕшĕнче Чăваш Енри Строительство министерстви кăçалхи тупăшăва пĕтĕмлетнĕ. Унта Патăрьелĕнчи Мир урамĕнчи Тазетдиновсен çурчĕ "Çурт-йĕр таврашĕнчи çĕр пайне чечек-курăкпа илемлетесси тата хăтлăх кĕртесси" номинацинче республикăра иккĕмĕш вырăн йышăннине палăртнă. Кил хуçисене дипломпа тата парнепе хавхалантарĕç.