ЮХМАПА Пăла тăрăхĕнче манăçа тухнă чушкă вăййи çĕнĕрен йăл илни палăрать. Ку вăл чăн малтанах Патăрьелĕнче пурăнакан Г. Елкин тивлечĕ. Малтанласа Геннадий Васильевич республикăра е унăн тулашĕнче иртекен тĕрлĕрен ăмăртусене пĕчченех хутшăнатчĕ. Халĕ вара унăн вĕренекенĕсем те пур. Çак кунсенче çеç, акă, вăл Д. Коннов ĕç ветеранĕпе Шупашкарта йĕркеленĕ чемпионата командăпа тата уйрăм хутшăнса пысăк çĕнтерỹпе таврăннă: кĕмĕл тата бронза медальсене тивĕçнĕ.