ПИРĔН район спортсменĕсем пĕрин хыççăн тепри ентешĕсене пысăк хавхалану кỹреççĕ. Паян Хусанти универсиадăри савăнăç та сĕвĕрĕлменччĕ-ха. Халĕ вара тĕнчипе палăрнă Нăрваш Шăхаль чиперкки Ирина Калентьева сăртлă-туллă чăрмавсем тăрăх велосипедпа чупассипе (кросс кантри) чи-чи вăйлă хĕрарăм-спортсменкăсен Раççейри чемпионатне хутшăнса каллех финиша чăн малтан çитнĕ, 25,6 çухрăма 1:33:21 вăхăтра чупса тухнă. Ирина хăйĕнпе тупăшакана хĕрĕх çеккунт хыçа хăварнă. Черетлĕ çĕнтерỹпе сана, Ирина!