Пĕлтĕр районти пилĕк хуçалăхри дояркăсем сăвăма пилĕк пинлĕ чикке çитерчĕç. Куншăн, паллах, савăнмалла. Калем ăстисем те вĕсем хыççăнах хăвалаççĕ. Районта тухса тăракан “Авангард” хаçат ĕçченĕсене те çак кăтарту хавхалантарать: пирĕн тираж пилĕк пине темиçе экземпляр çеç çитеймерĕ! Çыравçăсен тĕллевĕсем пысăк. Ырă çĕлен çулталăкĕ вĕсене пурнăçа кĕртме пулăштăрах.