Пĕр вунă çул каялла пирĕн хисеплĕ почтальонкăсем хаçат-журналпа пĕрлех çынсене çырупа открытка та чылай салататчĕç. Çĕнĕ çул евĕр уявсенче вĕсем хутаçра пахучĕпех пулнă. Халĕ вара; Çак йăла манăçа тухса пыни куç кĕрет. Ăшă сăмахсемпе çырнă саламлă “парнесене” алăри пÿрнепе те шутласа тухма пулать. Е пачах та çук. Сăмахран, пысăках та, пĕчĕкех те мар Алманчă ялĕнчи почтăра çĕнĕ çул ячĕпе çыхăннă 70 хитре картина кăна сутнă, вун пиллĕкĕшне аякка ăсатнă. Ыттисем кĕсъе телефонĕпе хыпар янипех çырлахаççĕ пулас.