Шуршăлта çулленех А.Г. Николаев космонавта хисеплесе вăл çуралнă кун (сентябрĕн 5-мĕшĕнче) “Сĕнтĕрвăрри – Шуршăл” эстафета иртет. Унта пирĕн ентешсем те хастар хутшăнаççĕ. Кăçал акă Хурама Тварти культура “вучахĕнче” тăрăшакан Т. Давыдов, “Батыревский” пĕрлешÿре экономистра вăй хуракан В. Салмин, районти тĕп больницăн “васкавлă пулăшу” водителĕ Г. Осипов старта тăнă. Патăрьелсем хăйсен хастарлăхне тепĕр хут çирĕплетсе панă: спорт ветеранĕсем грамотăсемпе, асăнмалăх парнесемпе таврăннă.