ПРАВОСЛАВИ тĕнне хисеп тăвакансемшĕн Аслă типĕ вĕçленесси нумаях юлмарĕ. Христос чĕрĕлсе тăнипе çыхăннă уява ватти те, вĕтти те чăтăмсăррăн кĕтет. Район центрĕнчи “ Çăкăр” историпе этнографи музейĕ ятарласа çак кун ячĕпе курав-конкурс йĕркелет. Унта ачасем çеç мар, кăмăл тăвакансем пурте хутшăнма пултараççĕ. Мăнкун ячĕпе хитрелетсе капăрлатнă, ăсталанă çăмартасем, çак темăпа сăрă ăстисем хатĕрленĕ ÿкерчĕксем, ытти сăнарсем пурне те хавхалантарĕç. Чăн-чăн ăста кам пулнине апрелĕн 20-мĕшĕнче пĕтĕмлетĕç.