ДЕМОГРАФИ лару-тăрăвĕ кăрлачра Юхмапа Пăла тăрăхĕшĕн кăмăллă пуçланчĕ. Пĕрремĕш уйăхрах пĕлтĕрхи çак вăхăтрипе танлаштарсан ача çуратакансем нумайланнă. Вилекенсем вара палăрмаллах чакнă. Иртнĕ çул 19 ял тăрăхĕнчен улттăшĕнче кăтартусем ырă енне улшăнчĕç. Шăнкăртамсенчен, Патăрьелсенчен, Ыхра Çырмисенчен, Сăкăтсенчен, Тăрăнсенчен ырă тĕслĕх илмелĕх пур. Вĕсенче çемьене йыш хушакансем пурнăçран уйрăлакансенчен нумайрах.