Чăваш Республикинчи право йĕркине пăхăнни тата Раççей Федерацийĕнчи ачасен правине хÿтĕлесси çинчен калакан саккунсемпе килĕшÿллĕн çул çитмен ачасен каçхине вунă сехет хыççăн аслисемсĕр е ашшĕ-амăшĕсĕр çÿреме юрамасть. “Каçхи вăхăта” пăхăнманнисем йĕрке хуралĕн сотрудникĕсен аллине çаклансан, ирĕксĕрех саккунпа килĕшÿллĕн явап тытма тивет. Çак ыйтупа тата тимлĕрех пулас, çул çитмен ачасене сывă пурнăç йĕркине хăнăхтарас тĕллевпе Нăрваш Шăхалĕнчи вăтам шкул дирекцийĕпе ашшĕ-амăшĕн комитечĕ пĕрлехи каçхи рейдсем йĕркелеççĕ. Çакă паллах ырă ĕç. Çавăнпа та телевиденин ТВЦ каналĕнче 22 сехетре паракан “Сирĕн ачасем килте-и;” ыйтăва ыттисен те асра тытмалла.