Район центрĕнче нумай хваттерлĕ патшалăх çурчĕсем сахал мар. Вĕсенчен чылайăшне юлашки çулсенче тĕрлĕрен программăпа килĕшÿллĕн тирпей-илем кĕртрĕç, юсаса çĕнетрĕç. Патшалăх çурчĕсене капиталлă майпа юсаса тирпейлес ĕç малалла та пырать. Хальхи вăхăтра Патăрьелĕнче çакнашкал икĕ хутлă тăватă çурта тĕпрен юсама пикеннĕ. Çак тĕллевпе тĕрлĕ шайри бюджетран укçа-тенкĕ кĕнĕ. Вăл шутра вырăнти бюджетран та.