Районти социаллă хÿтлĕх пайĕ урлă çулсеренех тĕрлĕ ушкăнти ачасем тĕп хуламăрти елкăра савăнаççĕ. Шупашкарти оперăпа балет театрĕнче Хĕл Мучипе Юрпике хутшăнакан пысăк уяв раштавăн 25-мĕшĕнче пуçланнă. Капăр чăрăш тавра юрласа-ташлама чăн малтанах сывлăх тĕлĕшĕнчен сусăррисем пуçтарăннă. Пирĕн районтан унта вуннăн хутшăннă. Çĕнĕ çул уявĕ раштавăн 29, 30-мĕшĕсенче те малалла тăсăлнă. Çак кунсенче вара Юхмапа Пăла тăрăхĕнче сахал тупăшлă, йывăр шăпаллă çемьесенчи вăтăр ача Хĕл Мучипе Юрпике парнине тивĕçнĕ.