Республикăри ĕç рынокĕнче малтанхи пекех рабочи специальноçĕсене алла илнĕ çынсем çитмеççĕ. Ĕçлев службине çитернĕ вакансисен 83, 9 проценчĕ рабочи профессийĕсемпе çыхăннă. Рабочи профессийĕсен ят-сумне ÿстерес тĕллевпе юлашки вăхăтра яшсемпе хĕрсене республикăри предприятисемпе организацисен ĕç-хĕлĕпе паллаштарма, профессин пуçламăш вĕренĕвĕн заведенийĕсен презентацине ирттерме тытăннă.