Шăрăх чылай вăхăт тăнине пула çуртсенче те пăчă, сывлăш та çитмессĕн туйăнать. Чÿречесене, алăксене уçса хунинчен те усси çук: ниçтан та уçă çил вĕрмест. Çавна май юлашки вăхăтра чылайăшĕ кондиционерсем, вентиляторсем туянчĕ. Çак таварсене халь илес шухăшлисен вара ĕмĕчĕсем лапах сÿнеççĕ. Лавккасенче вĕсене тупма хĕннине е хакĕсене ытлашшипе пысăклатса янине палăртаççĕ. Туянас текен япала миçе тенкĕ тăнине пăхмасть теççĕ-ши;