Батыревский муниципальный округПатăрьел муниципалитет округĕ
А. Деверинская парнисемшĕн
Первомайски ялĕнчи стадионра ку ялта çуралса ÿснĕ СССР тата тĕнче класлă спорт мастерĕ Александра Деверинская парнине çĕнсе илессишĕн çăмăл атлетсен йăлана кĕнĕ ăмăртăвĕ иртрĕ. Унта 12 вăтам, 4 тĕп шкултан, 8 ял поселенийĕнчен, Вăрмар, Сĕнтĕрвăрри, Комсомольски районĕсенчен, Шупашкартан, 400 ытла спортсмен хутшăнчĕ. Ăмăрту хĕрÿ тупăшура иртрĕ.
Хăйсен дистанцийĕсенче К. Егорова, А. Михайлова, А. Носова, А. Козлов, А. Фомин, В. Рубцов призлă вырăнсене йышăнчĕç.
8-9-мĕш классенчи хĕрачасем
10–11-мĕш классенчи хĕрачасем хушшинче пирĕн районти К. Филиппова 2-мĕш вырăна тухма пултарчĕ. 1-мĕшпе 3-мĕшĕнче – хăнасем.
10-11-мĕш классенчи арçын ачасем
Командăсем енĕпе илсен Первомайски вăтам шкулĕ 1-мĕш, Аслă Чемен шкулĕ – 2-мĕш, Патăрьелĕнчи 1-мĕш шкул 3-мĕш вырăнта.
Тĕп шкулсен ушкăнĕнче Ишлĕсем малта. Çĕнĕ Ахпÿртсем – 2-мĕш, Кивĕ Ахпÿртсем 3-мĕш вырăна тухрĕç.
18–34 çулхи хĕрарăмсен ушкăнĕнче Е. Терентьева (Первомайски) 3-мĕш вырăна тухма пултарчĕ. Малта – коопераци институчĕн студенткисем.
35–44 çулхи хĕрарăмсенчен Г. Мусина (Х. Пикшик) малта. 2-мĕш вырăнта Т. Кудряшова (Н. Шăхаль, 3-мĕшĕнче – В. Волкова (Первомайски).
45 çултан аслăрах хĕрарăмсем хушшинче Нăрваш Шăхалĕнчи А. Васильева – 1-мĕш, М. Николаева – 2-мĕш вырăнта.
18–39 çулсенчи арçынсенчен чи вăйли – В. Едифанов (Ю. Шăхаль). А.Сафьянов (Патăрьел) – 2-мĕш вырăнта.
40–49 çулсенчи арçынсен ушкăнĕнче П. Макаров (А. Чемен) çĕнтерчĕ. 2-мĕш вырăнта С. Лукин (Первомайски), 3-мĕшпе 4-мĕш вырăнсенче В. Бородкинпа (Н. Шăхаль) А. Сымов (Турхан).
50–59 çулхи арçынсенчен Н. Нурсов (Туçа) 2-мĕш вырăна, Т. Давыдов (Турхан) 3-мĕш вырăна тухрĕç.
60 çулран иртнисем хушшинче А.Иванов (Первомайски) палăрчĕ. Аслă Чеменри В. Бахмисовпа И. Михайлов 2-мĕшпе 3-мĕш вырăнсенче.
Нăрваш Шăхаль ял тăрăхĕн команди çивĕч кĕрешÿре çĕнтерчĕ. Аслă Чемен ял тăрăхĕ 2-мĕш, Туçа ял тăрăхĕ 3-мĕш вырăнта.