Сумлă мероприятие РФ Правительствин Председателĕ Владимир Путин хутшăннă. Вăл Тăван çĕр-шывăн Аслă вăрçи вăхăтĕнче фронтри врачсен паттăрлăхне уйрăм номинацире чысланă.

2010 çултанпа “Çулталăкри чи лайăх врач” преми правительство статусне илнĕ. Вăл кăларнă йышăнупа килĕшÿллĕн 1-мĕш вырăншăн 500 пин тенкĕ, 2-мĕшĕшĕн – 300 пин, 3-мĕшĕшĕн 200 пин тенкĕ параççĕ.

“Чи лайăх терапевт” номинацире Патăрьел район больницин врач-терапевчĕ Оксана Токмакова 2-мĕш вырăн йышăннă.

Оксана Николаевна райбольницăна аслă шкул хыççăн килнĕ. Кунта 15 çул ĕçлет. Сывлăх сыхлавне аталантарассишĕн чылай вăй хурать.