Пăр çинче шайбăпа хоккейла выляссипе Юхмапа Пăла тăрăхĕнче Çĕнĕ Ахпÿртсене çитекенни çук тесе çирĕплетсех калама пулать. Çакă кăна-и-ха; Чăваш Енре те кăтартуллă вĕсем. Нумаях пулмасть çак ял çамрăкĕсем республикăри ял командисем хушшинче çĕнтерÿçĕ ятне тивĕçнĕ. Финалта вĕсем Йĕпреç районĕнчи «Красный партизан» командăна 5:4 шутпа парăнтарнă. Сăмах май каласан, пĕлтĕр те çак чыса тивĕçнĕ «Олимп» команда.

Пирĕн ентешсене çĕнтерÿ тунă ятпа Чăваш Республикинчи шайбăпа хоккейла вылякансен федерацийĕн председателĕ А. Протопович саламланă.