Çуркуннен пĕрремĕш уявĕнче, Хĕрарăмсен кунĕнче, районти Мăшăрлану керменĕнче çемье çавăрма тĕллев тытнисем нихçанхинчен те нумай пулнă. Çак кун вунпĕр çамрăк мăшăр Мендельсон маршĕ майĕпе алла-аллăн тытăнса утнă. Мартăн 8-мĕшĕнче Шăнкăртамра, Тутар Сăкăтĕнче, Кзыл Камышра, Кзыл Чишмара туйсем кĕрленĕ. Пурнăçра чăн-чăн юрату пĕр хутчен çеç пулать теççĕ. Çавăнпа та çамрăк мăшăрсен çемйисенче ĕмĕр тăрăшшĕпех юрату, ăшă кăмăл, тăнăçлăх хуçалантăр.