Канашлура паянхи кун чи çивĕч тăракан ыйтусене сÿтсе яврĕç. Паллă ĕнтĕ, 2010 çулта районта Республика кунĕн хăш-пĕр мероприятийĕ иртет. Ăна тĕплĕн, пур енлĕн хатĕрленес пирки калаçу тĕп вырăнта пулчĕ. Пĕтĕм Раççейри халăх çыравне халех хатĕрленмелли пирки те калаçрĕç.

Хăш-пĕр предприятипе организаци физикăллă сăпатсен налукĕсене тÿлессипе çителĕксĕр ĕçлет. Ку, паллах, чылай социаллă ыйтусене татса панă çĕрте чăрмав кÿрет. Район пуçлăхĕ çак кăлтăка хăвăртрах пĕтерме хушрĕ.

Канашлура кĕркуннехи-хĕллехи тапхăрта пушар хăрушсăрлăхне çÿллĕ шайра тытса тăмалли пирки те калаçрĕç. Унсăр пуçне 10 уйăхри санитарипе эпидемиологи лару-тăрăвне тишкерчĕç, район архивне документсем тăратмалли йĕркепе паллаштарчĕç.

(Хамăр корр).