М. гражданка, 1974 çулта çуралнăскер, хăйĕн мăшăрĕпе Л. гражданинпа Анат Тăрмăшĕнче пурăннă. Вĕсен виçĕ пĕчĕк ача. Хĕрарăм “Знамя” çĕр ĕç фирмине тĕрлĕ ĕçе çÿренĕ. Мăшăрĕ Мускава тата Мускав облаçне ĕçлеме кая-кая килнĕ. Упăшки çук чухне хĕрарăм эрех-сăрана тиркесе тăман, унччен судпа айăпланнă Д. гражданинпа тĕл пулкаланă. Черетлĕ тĕл пулу вăхăтĕнче М.-па Д. хушшинче хирĕçÿ сиксе тухнă. Малтан тишкернĕ тăрăх, унăн сăлтавĕ – эрех. Хирĕçÿ-тавлашу вăхăтĕнче Д. М-на ĕнсинчен çĕçĕпе чикнĕ, хĕрарăм юн нумай кайнипе вилнĕ. Мĕн хăтланнине ăнланнă хыççăн Д. гражданин та хăй çине алă хунă.