Батыревский муниципальный округПатăрьел муниципалитет округĕ
Çĕр-шыв хÿтĕлевçисен ячĕпе – турнир
Халăха социаллă пулăшупа тивĕçтерекен Патăрьелĕнчи центрта календарьпе килекен уявсене чыслăн паллă тăвасси йăлана кĕнĕ. Çак эрнере вĕсем Тăван çĕр-шыв хÿтĕлевçисен кунне халалласа шашка-шахмат турнирне йĕркеленĕ. Çивĕч ăспа усă курса вылямалли ăмăртăва вун ултă çын хутшăннă. Вăйлă кĕрешÿре Кзыл Чишмари Ф.Абдуллин пĕрремĕш, Тикешри Г.Егоров иккĕмĕш, Çĕньялти В.Макаров виççĕмĕш вырăнсене йышăннă.
Шашка-шахмат турнирĕнче уйрăммăн палăрнисене Хисеп грамоти парса чыс тунă, парнепе хавхалантарнă. Спорт ветеранĕсем хăйсене хисеп тунăшăн кăмăлтан савăннă.
"Авангард" (газета Батыревского района)