Юлашки çулсенче шкулсенче вĕрентекенсем хăйсен тавра курăмне ÿстерсе пымалли, вĕрентÿн çĕнĕ меслечĕсемпе усă курмалли пирки нумай калаçаççĕ. Çак тĕллевпех ĕнтĕ учительсем те хăйсен ирĕкĕпех тĕрлĕ ушкăна уйрăлчĕç: аслă категориллисем, I тата II категориллисем. Ĕçе чун-чĕререн парăннă çын, паллах, пĕр ятсăр та ĕçлĕ-ха. Сăмахăм кун пирки мар. Информаци кунĕнчи тĕл пулусенче тĕп хуларан килнĕ представительсем республикипе аслă категорине хÿтĕлеме çырăннă учительсен 65 проценчĕ ачасем пек “иккĕ” илни пирки пăшăрханса каларĕç.