Асăну каçне пухăннисем режиссер лартнă спектакльсенчи сценăсене кăтартнă. «Кай, кай Ивана», «Улькка кинĕн виçĕ кинĕ», «Çурçĕр хыççăнхи апатлану» тата ытти спектакльсенчи сценăсене курма пыракансем питĕ кăмăллă йышăннă. Виталий Владимировичăн пултарулăхне пысăк хак панă.

Халăх театрĕн артисчĕсем В. Дергунов тăрăшнипе район, республика, Раççей шайĕнче те хăйĕн чысне хÿтĕленĕ, ырă ятсем çĕнсе илнĕ.

– Йывăр тăпру çăмăл пултăр, хисеплĕ çыннăмăр. Эсир нумай-нумай çул тăсса пынă ырă та пархатарлă ĕçĕре эпир малалла пурнăçлăпăр, – тенĕ артистсем хăйсен режиссерĕн ĕçне хак парса.