Тимлĕ пулманшăн
Тĕрĕслев вăхăтĕнче А.Кадеев “Литературная газета” хаçата илейменни çирĕпленчĕ. Пикшик çыхăну уйрăмĕнче ĕçлекенсем ăна çав издание çырăнтарнă, анчах тимсĕрлĕхне пула подписка карточкине çухатнă. Çавна пула хаçат пирки заказ ярайман. Подписчик та издание илеймен.
Пикшик çыхăну уйрăмĕн начальникĕ А.М.Чебенева ыйтăм вăхăтĕнче пĕлтернĕ тăрăх, А.Кадеева виçĕ уйăхшăн подписка укçине тавăрса панă, хаçата вăл ноябрьтен илсе тăма тытăннă.
“Сывлăх” хаçат вара А.Кадеев патне килсе тăрать.
А.И.Кадеевăн Раççей Федерацийĕн Конституцийĕн 4 пайĕн 29-мĕш статйипе килĕшÿллĕн саккунлă йĕркепе информаци илсе тăма право пур. Пикшик çыхăну уйрăмĕнче ĕçлекенсем çак ирĕклĕхе пăснăшăн тата хăйсен тивĕçне кирлĕ пек пурнăçламан пирки Елчĕк почтамчĕн начальникĕ ячĕпе представлени тăратнă.