Батыревский муниципальный округПатăрьел муниципалитет округĕ
Хĕл валли те ĕç пур
“Батыревский” улма-çырла питомникĕ улма-çырла çитĕнтерессипе çеç ĕçлемест. Çимĕç паракан тĕрлĕ хунав ÿстерет вăл. Хальхи вăхăтра кунта улма-çырла йывăççисене сыпмалли туратсем хатĕрлеççĕ. Ĕçе ăста специалистсене явăçтараççĕ.
Пĕрлешÿ экономикине тĕреклетме пĕрчĕллĕ культурăсем акса туса илни те пулăшать. Тухăçĕ аван пулчĕ. Гектартан вăтамран 30-шар центнер пухса кĕртрĕç. “Ирень” урпа, “Свеча” çурхи тулă палăрмаллах пысăк кăтартусемпе савăнтарчĕç. Вăрлăхĕсем те супер-элитăччĕ вĕсен.
Килес çулхи тухăçшăн ĕçе пуçăннă питомникра. Вăрлăхсене алласа пĕрремĕш класа лартаççĕ. Ĕçлекенсене те тырăллă тунă. Кашнийĕшне тĕш-тырă çитĕнтерме каякан тăкак шайĕпе пĕрер тонна валеçнĕ.
Питомника йĕркеленĕренпе 75 çул çитнĕ ятпа ĕçченсем пысăк кăтартусем тăвасшăн.
"Авангард" (газета Батыревского района)