Ларури тĕп тема – районти организаци-предприятисенче, учрежденисенче, ытти çуртсенче хутмалли тапхăра ăнăçлă пуçласси. Çак тĕллевпе район пуçлăхĕ маларах ятарлă постановлени те кăларнă. Урамри вăтам температура сакăр градусран та аяларах пулнăран сентябрĕн 19-мĕшĕнченех шкул çулне çитмен ачасен учрежденийĕсенче, больницăсенче ăшă янă. Хальхи вăхăтра ытти объектсене хутмалли тапхăр çине куçарас ĕç пырать. Çавна май котельнăйсене хатĕрлеççĕ, газпа хутма лимит илеççĕ, резерва топливо хатĕрлеççĕ тата ытти те. Ларура район пуçлăхĕ Н.Глухов çак ыйтусене çивĕчлетнĕ, хĕллехи тапхăра хатĕрленме васкаман ертÿçĕсене критикленĕ.