– “Раççей Федерацийĕн прокуратури çумĕнче Следстви комитечĕсем йĕркелесси” çинчен калакан Указа Раççей Президенчĕ 2007 çулхи август уйăхĕн 1-мĕшĕнче алă пуснă. Çакна тума Раççей Федерацийĕнчи судпа право йĕркине çĕнĕлĕхсем кĕртни хистенĕ.

– Кĕскен хăвăр коллективпа паллаштарсан та вырăнлă пулĕччĕ.

– Тархасшăн. Пурĕ 8-ăн ĕçлетпĕр. Эпĕ – ертÿçи, В.Коннов манăн çум, Р.Салимзянов уйрăмах хăрушă (йывăр) ĕçсен следователĕ, В.Ярушкин, В.Егоров, Д.Тазюков, А.Ксенофонтов аслă следовательсем, Т.Танькова инспектор-делопроизводитель.

– Пĕлтĕрхи авăн уйăхне аса илер-ха...

– Çĕнĕ комитет ĕçлесе кайнă тапхăрта, паллах, пур енĕпе те йывăрлăхсем сахал мар пулчĕç. Кадрсем енĕпе те, пурлăхпа техника бази енчен те, тата ытти те, тата ытти те... Халĕ вăл тапхăр хыçра ĕнтĕ. Паян районсем хушшинчи следстви уйрăмĕ йĕркеллĕ ĕçлесе пырать, хăйĕн умне лартнă тĕллевсене пурнăçлама тăрăшать. Çулталăк хушшинче преступлени çинчен калакан 676 ыйтăва пăхса тухрăмăр. Вĕсемпе çирĕп тĕрĕслев ирттернĕ, 69 уголовлă ĕç пуçарнă, 76 уголовлă ĕçе тивĕçлĕ йышăну тума суда ярса панă. Вĕçне çитернĕ кашни уголовлă ĕçпех следовательсем унăн сăлтавне тата вăл мĕнле условисенче пулнине тĕпченĕ, вĕсем урăх ан пулччăр тесе кирлĕ мерăсем йышăннă.

– Мĕнлерех уголовлă ĕçсем ытларах тĕл пулаççĕ;

– Преступленисене илес пулсан ытларах пайне ÿсĕрле туни палăрать. Çемьери харкашусем те ĕçке пулах тухаççĕ. Коррупципе çыхăннă преступленисем те пайтах. Акă, вĕрентÿ учрежденийĕсен ертÿçисем бюджет укçи-тенкине вăрланă пирки 6 уголовлă ĕç, вырăнти депутатсем пирки 3 уголовлă ĕç, икĕ милици сотрудникĕ пирки пĕр уголовлă ĕç пăхса тухнă, тивĕçлипе айăпланă. Ку ĕç малалла та пырать.

– Мĕнех, çулталăк нумай вăхăт хушши мар, çапах та ĕçĕрсем курăмлă, эпир ун пирки хаçатра çутатсах тăтăмăр. Малашне те ăнăçусем сунас килет.

– Тавтапуç.