Социаллă страховани фончĕ шкул çумĕнче йĕркеленĕ лагерьсене кашни ачашăн кунне 45-шер тенкĕ укçа уйăрать. Кăçал та вунсакăршар кунлăх виçĕ смена ĕçлерĕ. 19 шкулта йĕркеленĕччĕ лагерьсене. Çав шутра пĕрремĕш сменăра 615 ача, иккĕмĕшĕнче – 365, виççĕмĕшĕнче 275 хĕр ачапа арçын ача канчĕç.

Ĕçпе кану лагерĕсене 816 ача çÿрерĕ. Ку тĕллевпе вырăнти бюджетран 143, 2 пин тенкĕ укçа усă курнă. 61 ача сиплев санаторийĕсенче пулнă.

Социаллă хÿтлĕх пайĕ вара сахал тупăшлă çемьери ачасен канăвне йĕркелессине мала хурать.

Ĕççыннисене ĕçпе тивĕçтерекен центр урлă çул çитмен 45 çамрăка ĕçе вырнаçтарнă. Вĕсенчен виççĕшĕ йĕркене пăснăшăн учетра тăрать. 99-шĕ нумай ачаллă тата тулли мар çемьесенчен.