Çемье çулталăкĕ ăнăçлă пулчĕ Патăрьелсемшĕн. Иртнĕ çул çак вăхăта районта пĕр хутчен çеç йĕкĕрешсем çуралнăччĕ. Район администрацийĕн ЗАГС пайĕ июль уйăхĕн виççĕмĕш вунă кунлăхĕнче Шăнкăртамри Тукрановсен ывăлĕпе хĕрне шута илчĕ. Çут тĕнчене малтанах Эльмира килчĕ, çур сехетрен Эльмир сас пачĕ. Çак ятпа Ризат Решитовичпа Разина Рафаэловнăна ЗАГС ертÿçи саламларĕ. Амăшĕн патшалăх сертификатне илмешкĕн кирлĕ документсене хатĕрлеме сĕнчĕ.