Улатăр вăрман хуçалăхĕн Патăрьел участокĕн Пăла тата Упамса лесничествисен вăрманĕсенче халăх хĕрсех выльăх-чĕрлĕхе хĕл каçарма утă тăвать. Çанталăкĕ шăрăх тăни пурне те çут çанталăк пуянлăхĕпе тирпейлĕ усă курма, вут-кăвартан сыхă тăма ыйтать. Вăрман хуçалăхĕн специалисчĕсем вара пушар хăрушсăрлăхне пăхăнмалли йĕркесене аса илтерсех тăраççĕ. Хими станцийĕсемпе вышкăсенче кунта ĕçлекенсен дежурствине йĕркеленĕ. Вăрмана кĕнĕ çĕрте шлагбаумсем лартнă.

Пушара хирĕç кĕрешмелли техника хатĕр, çынсем кĕтмен инкек-синкекрен сыхă тăраççĕ.