Çирĕплетме сывлăха утаç çынсем комплекса
Патăрьелĕнчи «Паттăр» физкультурăпа спорт комплексĕнче кулленех каçхине вунă сехетчен ĕç шавĕ лăпланмасть.Çу кунĕсене пăхмасăр кунта çитĕннисем те, ачасем те хăйсен сывлăхне çирĕплетме çÿреççĕ. Пĕрисем тĕрлĕрен залра ятарлă спорт хатĕрĕсемпе хусканусем тăваççĕ, теприсем волейболла, теннисла выляса киленеççĕ, виççĕмĕшсем вара бассейнра ишсе савăнаççĕ.Ытларах шăпăрлансен бассейнĕ пĕрре те пушă тăмасть. Ачасем Патăрьелĕнчен çеç мар, çывăхри-аякри ялсенчен те кунта канма, сывлăха çирĕплетме çÿреççĕ.
"Авангард" (газета Батыревского района)