Раççейĕн пĕрремĕш “Раççей инновацине – Раççей укçа-тенки” форумĕнче çĕртмен 19-20-мĕшĕсенче 700 çын, çав шутра 450-шĕ ытти регионсемпе ют çĕр-шывсенчен, 23 регионран, Чăваш Енпе пĕрле, 120 Раççей представителĕ хутшăннă. Пурĕ 70 миллиард тенкĕлĕхе яхăн 100 ытла инвестици килĕшĕвне тата протоколне алă пуснă. “Управлени. Экономика. Аталану” экономика форумне çĕртмен 20-21-мĕшĕсенче 1200 çын ытла хутшăннă, çав шутра:

36 ют çĕр-шыв дипломати корпусĕн элчисем, вĕсен канашçисем, суту-илÿ представителĕсем;

Патшалăх Думин 15 депутачĕ;

Федерацин ĕç тăвакан влаçĕн 20 представителĕ, çав шутра Регионсен аталанăвĕн, Ют çĕр-шыв ĕçĕсен, Экономика аталанăвĕн министерствисенчен, Раççей ФСФРĕнчен, коммуналлă хуçалăха реформăлама пулăшакан фондран, т.ыт. те.

Федерацин ĕç тăвакан влаçĕн ытти органĕнчен, Раççей Федерацийĕн 58 субъектĕнчен – Красноярск, Краснодар крайĕсенчен пуçласа Ленинград, Мускав, Саратов, Самар, Тюмень облаçĕсен, Тутарстан, Чечен республикисен, Мускав, Петербург, Калининград хулисен тата ыт. те представителĕсем;

24 çĕр-шывран 62 предприяти представителĕ – Австри, Итали, Япони, Польша, Хорвати, Кувейт Патшалăхĕ, Беларуç Республики, Германи т. ыт. те – пĕрремĕш ертÿçĕсен шайĕнче;

Раççей Федерацийĕн экономика секторĕн 394 организацийĕн представителĕ – ертÿçисем;

235 финанс тата инвестици организацийĕсен представителĕсем – ертÿçĕсемпе управляющийĕсем;

Чăваш Республикин 424 организацийĕн представите-лĕсем;

Форум шайĕнчи куравсенче (Экспо-Контур, MEGAGALAXY, Оперăпа балет театрĕ, “Мега-Молл” центр, Наци банкĕ – 354 организаци экспоначĕ), конгресси мероприятийĕсенче 200 килĕшĕве, инвестици килĕшĕвне, протоколсене 120 миллиард тенкĕлĕх ытла алă пуснă.

Унсăр пуçне Республика кунĕнче:

Пĕтĕм Раççей халăх пултарулăхĕн “Раççей çăл куçĕсем” XVI фестивальне Раççей Федерацийĕн 31 регионĕнчен, 3 ют çĕр-шывран (Беларуç Республики, Эрмен Республики, Бельги королевстви) 39 пултарулăх коллективĕ – пĕтĕмпе 600 çын ытла хутшăннă.

“Раççей ăстисем” декораци-прикладной искусство ăстисен Пĕтĕм Раççейри VI конкурсне Раççейĕн 18 регионĕнчен 64 ăста хутшăннă.

“Раççей юррисем” фестиваль-марафона Раççей халăх артистки Надежда Бабкина ертсе пынипе 11 пултарулăх коллективĕ хутшăннă.

Çичĕ кун хушшинче, çĕртмен 18-24-мĕшĕсенче, уяв мероприятийĕсенче Шупашкарта 264 пин çын пулнă, Муркаш, Йĕпреç районĕсенче – 50 пин çын ытла.

Президент Республика кунĕ ячĕпе ирттернĕ мероприятисене хутшăннисене – Чăваш Ене малалла аталанма пысăк вăй хунисене ăшшăн тав турĕ.